⚱️ O dolmen de Pedra Cuberta, en Treos, construiuse hai 6000 anos (entre o 4000/3000 a.n.e.) como sepultura e lugar de culto dos mortos. Os seus seres queridos despedíanos cunha cerimonia. Para a súa viaxe ao alén, deixábanlle preparados os mellores alimentos, ferramentas, armas, xoias feitas con pedras de cores… O interior da cámara e do corredor estaban decorados con numerosas formas xeométricas de cor vermella (óxido de ferro) e negra (carbón) sobre unha capa branca de caolín.⚱️
Ilustración para “Unha historia de Vimianzo”.