"الضربة اللى متموتش تقوى"

كتير بنشوف شركات بتختفي في الأزمات و شركات بتتفوق في الازمات في اوقات قليله

بس محدش فينا فكر ايه هيا الازمة اصلا !! وليه شركات مش بتعرف تحل الازمات اللي بتواجها ..

وعلشان كده هنحتاج من وقتك 90 ثانية علشان  نقدر نوصلك  يعني ايه إدارة الأزمات - crisis management بشكل بسيط

 خلينا نبدأ الحكاية من الاول :
الأزمة معناها بشكل بسيط ( مشكله بتواجهك لو معرفتش تحلها بشكل سريع هتتحول المشكله دي لكارثه )
والازمات دي في منها نوعين نوع بسبب البشر  ونوع في ايد ربنا :
📌 تحصل كوارث طبيعيه زي فيضان أو زلزال أو وباء عالمي زي الكرونا 
📌 تحصل ثورات في البلد او احداث تخريب او حرائق 
📌 تحصل مشكلة مع مورد رئيسي ليك او تفقد موظف مهم جدا عندك 

طيب و إدارة الأزمات دي بتعمل ايه  ومعناها ايه يعني !!
إدارة الأزمات دي بتشتغل على انها بتعمل تخطيط استراتيجي وبتاخد قرارات في وقت سريع ومحدد و في ظروف فيها  توتر وقلق  علشان تقدر تقلل اي نتايج سلبيه الى اقل قدر ممكن 

والازمه دي بقي بيكون ليها  5 مراحل مش بتيجي فجأة كده :

1) ميلاد الأزمه: وهنا بتبتدي الأزمة في أنها تظهر ولكن بشكل مش ملحوظ اوي .

2) نمو الأزمه : و علشان احنا مقدرناش تحل الأزمة في بدايتها بتبتدي تكبر ولو معرفتش تخرج من الأزمة في المرحله دي هيبقي الباقي من الصعب انك تتعامل مع الموضوع بسهوله.

3) نضج اللازمة : وهنا دي بقي اخطر مراحل الأزمة واحنا بنوصل للمرحله دي لما بيكون عندك فشل في إدارة الأزمة واحتوائها وهنا انت لازم تصطدم مع الأزمة بشكل عنيف علشان تخرج منها 

4) انحسار الأزمة : وبسبب صدامك بشكل قوي مع الأزمة وقراراتك القوية هتبدأ اللازمة انها تختفي 

5) اختفاء الأزمه: وهنا بتختفي اللازمة لما الناس بتفقد اهم الحاجات فيها وهي لما ينتهي الاهتمام بها والحديث عنها 

طيب وانت هتعمل ايه عشان تتفوق علي الأزمه دي ..

وهنا هشرحلك  بعض من النقط بشكل بسيط علشان تقدر تشتغل عليهم بسرعه
عندك اكتر من طريقه عشان تقدر تتغلب علي الازمه علشان مايبقاش عندك حجه😄

📌الطريقه الاولى : الطريقه التقليديه 
-انك تنكر اللازمة وتعمل عليها تعتيم إعلامي 
- انك تكبت  اللازمة  و تؤجل ظهور الأزمة للناس 
- انك تخمد الأزمة يعني تتعامل معاها بعنف ودي بغض النظر عن المشاعر والقيم الإنسانية
- انك تبخس من الأزمة وتقلل من شأنها وتعتبرها اصلا مش ازمه 

📌الطريقه الثانيه : الطريقه الغير تقليديه 
- انك تحتوي الأزمة اصلا وتحاول تحاصر الأزمة بشكل سريع جدا  في نطاق محدود جدا 
- انك تعترف اعتراف جزئي ان في ازمه وبعد كده تنكرها كلها 
- تصفية العناصر الرئيسية للأزمة 
- ضرب الأزمة بقوة في جوانبها الضعيفة

وعلشان ما تشوفش الموضوع صعب احنا جبنالك"case study"  📖 علي ادارة الازمة والخروج منها بسهولة

أزمة تيلينول  💊(جونسون اند جونسون)
في 30 سبتمبر سنة 1982 كانت الشركة G&G  في أزمة ضخمة جدا كانت من الممكن انها تقفل الشركة بشكل نهائي 
 وهي أن في سيده اخدت دواء كان مشهور جدا  في امريكا انه اقوي مسكن للام وكان الناس بتاخده حتي من غير ما تروح للدكتور او تاخد روشته بس كانت النقطه ان العبوات بتاعت الدواء سهله الفتح واللي حصل ان الست دي اخدت الدواء وللاسف ماتت بسبب ان في حد حطلها سم في الدواء ومن هنا ابتدت الصحافة  انها تتكلم عن الدواء ده بشكل سلبي و لدرجه الناس أصيبت بهستيريا  وكانت هترفع قضيه على الشركه 
وهنا قدر المدير التنفيذي للشركة بأنه يحتوي الأزمه بكل ذكاء في انه سحب حوالي 31 مليون علبة دواء من السوق وخسرته 100 مليون دولار ساعتها و قرر انه يعمل بحث إذا كان في اي مواد سامة في الدواء او لا و بعد شهرين نزل المنتج تاني السوق ولاكن المره دي عمل العلبه محكمه الغلق بدل ما كانت سهله الفتح وقدرت الشركه انها تكثب ثقه الناس تاني من جديد.

📍خلينا متفقين ان ادارة الأزمات دلوقتي بقت من أقوى الإدارات في الشركات العالميه وده لانها تقدر تواجه اصعب الظروف للشركة وتواجهها بكل تحدى

لو عندك مثال لشركة مصرية مرت بأزمة وقدرت تعدي منها وتنجح احب جدا انك تشاركني في كومنت وتقول عليها 
ولو عجبك البوست تقدر تعمل Like & Share  
ومتنساش تعمل see first للصفحة عشان يوصلك كل جديد